LAOAG CITY – Natay ti maysa a lalaki kalpasan ti panagbekkel na iti mismo nga uneg ti kwarto na iti balay da idiay ili ti Badoc.
Nabigbig daytoy a ni Jerome Tolentino y Ibnay, agtawen ti 24, awanan ti asawa, maysa a musician ken residente iti Barangay 3, Alogoog iti nasao nga ili.
Iti imbestigasyon dagiti otoridad, idi nagawid ti biktima iti pagtaengan da ket adda iti impluwensya ti nasanger ken inpakaammo na iti ina a mapan maturog iti kwarto na.
Nupay kasta, idi tinuktuk ti ina ti kwarto ti anak na ket awan ti simmungbat isut gapo na a sinirip na daytoy ket ditoy a nakita na ti biktima a nakabitin usar ti tali.
Dagus a nagkiddaw ti tulong ti ina kadagiti kakabagian na ken naitaray ti biktima iti Rural Health Unit iti nasao nga ili ngem naideklara a dead on arrival.
Rumrumwar a ti gapo ti panagpakamatay ti biktima ket maipagarop a gapo iti panagsina da iti nobya na nga agnagan ti Crystal Segui a taga Barangay Salapasap, Cabugao, Ilocos Sur.
