LAOAG CITY – Agtultuloy ti imbestigasyon ti PNP-Laoag iti napasamak a pammaltog a pimmusayan ti biktima iti sitio Natdek, Bgy, Balatong ditoy ciudad ti laoag.
Nabigbig ti biktima iti nagan laeng a Romeo, taga Bgy. Nangalisan B ken empleyado ti JLP Constraction.
Nabigbig met ti suspek a ni Dennis Baldos tubo iti Bgy. Ugis Nueva Era ngem agin-indeg iti Bgy. Balatong.
Rumrumuar a kinnatiyaw ti motibo ti nasao nga insidente gapu ta maipagarup nga inbaga ti biktima iti suspek a dina pay laeng pooran ti kurokurong na kalpasan a saan na a mapaandar.
Pinagsaw-an met ti biktima ti suspek ti dakes ken inbaga ni Baldos nga agsubli.
Nagsubli ti suspek imet na ti paltog a mapapati a shotgun ken pinaltugan na ti biktima a nakataamaan ti akinkannawan a paset ti bagi na.
Rumrumuar pay a napan nakidaya ti suspek ken inbaga a saanen nga agbaybyag gapu ta adda ti pinatay na.
Iti agdama ket birbirukenen dagiti pulis ti suspek gapu ta kalpasan a nagpakada iti nakidayaan na ket mapapati a naglemmengen.
