LAOAG CITY – Manamnama a maipila ita nga aldaw ti kaso kontra iti suspek iti naiwayat a drug buy bust operation idiay ili ti Currimao.
Nabigbig daytoy a ni Ponciano Gamayo Jr. y Gonzales, agtawen ti 51, naasawaan ken residente ti Baranga San Simeon iti nasao nga ili.
Ti operasyon ken inwayat dagiti kameng ti PNP-Currimao ken Philippine Drug Enforcement Agency (PDEA).
Naamoan a natiliw ti suspek babaen ti pnagapammarang ti pulis kas posuer buyer iti paset ti Brgy. Pias Sur iti met laeng nasao nga ili.
Nakumpiskar ti maysa a plastic sachet a naglaon ti maipagarop a shabu ken 500 a pisos a nausar kas marked money.
Iti agdama ket nagtalinaed ti suspek iti kustudiyar ti PNP-Currimao.
