LAOAG CITY – Kinumpirmaran ni Police Senior Inspector Chris Sorsano, ti chief of police iti Dingras, Ilocos Norte ti pannakatiliw da ti maysa a negosyante iti inyuswat da a drug buy-bust operation iti Barangay Bungcag ti nasao nga ili.
Nabigbig daytoy a ni Rey Regusera, agtawen iti 50, agtagikua ti maysa a furniture ken residente iti Barangay Albano ti nasao nga ili.
Segun ken ni Sorsano, naglako ni Regusera ti maysa a sachet a naglaon ti maipagarop a shabu iti maysa a pulis a nagpammarang a poseur buyer.
Kinumpirmaran ni Sorsano a ni Regusera ket dati a drug surrenderer.
Innayon na a pilaan da ti kaso nga illegal a panaglako iti illegal a droga ti nasao a suspek.
