LAOAG CITY – Nakairekord ti world record ti maysa nga ili idiay Mexico kalpasan a nakalutoda ti nasurok 30,000 tacos nga addaan ti nagduduma a flavors.
Kinumpirmaran ti records keeping organization a Guinness World Records a ti ili ti Tlaxcala ti baro a record holder ti titulo a “The Largest Display of Taco varieties Served in One Location” kalpasan a nakalutoda ti 30,000 tacos nga addaan ti 186 flavors.
Naiyuswat ti record breaking attempt iti Paseo de la Reforma no sadinno nagtitinnulong dagiti 150 a chefs tapno agluto ti tacos.
Naammoan a sumagmamano kadagiti flavors ti tacos nga inlutoda ket Chicharrones, Potato, Beans ken Adobo. Adda ti nagduduma a kombinasion met kas ti Potato with Sausage and Cactus.
Basar iti Tourism Secretary ti Tlaxcala, inaramidda daytoy tapno mabigbig ti lugarda kas maysa a gastronomic, tourist and cultural destination.
