LAOAG CITY – Natay ti maysa nga ina gapo iti heat stroke idiay Barangay 11 ditoy ciudad ti Laoag.
Nabigbig daytoy a ni Analiza Saludado, agtawen ti 56 ken residente iti nasao a barangay.
Segun iti saanen a nagpabigbig nga anak ti biktima, datin nga adda ti hypertension ti ina na ken idi intaray da daytoy iti ospital ket naideklara a dead on arrival.
Immuna iti daytoy, kunana nga agsaksakit ti bukot ti ina na ken idi ayaban na a mapan agpa-check up ket saan na a kinayat gapo ta saan na a kayat ti makabitin ti swero ken maipagarop a nangunget pay daytoy.
Inbatad na nga idi iniyaban na a mapan da agpamasahe ket simmurot ti ina na ngem awan me ti available a therapist isut gapo na a napan da iti sabali ngem nakarikep.
Gapo iti daytoy, kunana a baka iti ospital met laeng ti pagtennagan da a papanam ngem inpatangken na a saan na a kayat ti agpa-check up rason a nagawid dagitoy..
Inlawlawag na nga idi adda da iti balay da ken naggapo isuna iti opisina da ket napan iti CR ti ina na ken ditoy a nagdanag gapo ta maipagarop a daytoy met ti ummuna nga inubra ti ama na sakbay a natay.
Innayon na a kalpasan a nakita da ti ina na a nakaidda ken intaray da iti ospital ngem saanen nga immabot a sibibiag.
