LAOAG CITY – Balligi a naarestar ti Philippine National Police ditoy ciudad ti Laoag ti maysa nga indibidual babaen iti Anti-illegal Drug Buy-Bust Operation kalpasan a naglako ti maipagarup a napagango a bulong ti marijuana iti Bgry. 2 Sta. Joaquina ditoy ciudad.
Nabigbig ti suspek a ni Macren Balbarez, agtawen ti 24 ken residente iti Brgy. 1 ditoy ciudad ti Laoag.
Nakumpiskar manipud iti suspek ti agdagsen 2.9 grams ti maiapagarup a dried marijuana leaves a nailako iti pulis a nagpammarang kas poseur buyer pakairaman ti maysa nga one heat sealed transparent plastic sachet a mapapati a naglaon ti maatap a napagango a bulong ti marijuana nga agdagsen ti 2.3 grams ken 2 a sachet ti mapapati a shabu ken agdagsen iti 2.1 grams.
Mainaig iti daytoy, nakumpiskar pay manipud iti subject ti maysa a pidaso ti sangaribu a pisos, kawes ti babbai, sigarilyo ken gadgets.
Nupay kasta, inlibak ti suspek a kukuana dagiti nakumpiskar ken inpetteng na a naimula laeng daytoy kenkuana.
Nammoan a naarestar pay ti suspek idi Oktobre 13, 2023 iti naiwayat a search operation gapu iti panaglabsing na iti Republic Act 9165 ken Republic Act 10591.
Kabayatanna, nagtalinaed ti suspek iti kustodiar ti Philippine National Police ditoy siudad ti Laoag.
