LAOAG CITY – Nakadanon iti radar ti Hollywood ti Metro Manila Film Festival movie ni Enrique Gil.
Ti entry-da ket napauloan iti Strange Frequencies: Taiwan Killer Hospital a basar iti South Korean box office hit a Gonjiam: Haunted Asylum.
Inaramid ti mabigbigbig a direktor ken “Master of Horror” a ni Erik Matti kaduana ti beterano a filmmaker a ni Dondon Monteverde pakairamanan ti aktor a ni Enrique, ti local adaptation daytoy ket mangitampok ti grupo dagiti ubbing nga aktor manipud iti Pilipinas kabayatan nga ikagkagumaanda nga ag-explore ken agaramid ti pelikula iti maysa kadagiti adda ti ar-ariana a lugar idiay Taiwan, Xinglin Hospital.
Ti Korean version ket maysa a 2018 found footage supernatural horror film nga indirek ni Jung Bum-shik.
Basar iti maysa nga actual a psychiatric hospital a masarakan iti Gwangju-si, pinagbidaan daytoy dagiti aktor nga isuda Wi Ha-joon (Squid Game), Park Ji-hyun (The Divine Fury), Oh Ah-yeon (Mr. Sunshine), Moon Ye-won (Legal). High), Park Sung-hoon (The Glory, Queen of Tears), Yoo Je-yoon (Extreme Job) ken Lee Seung-wook (Joseon Fist).
