LAOAG CITY – Mangbukel iti cyber security team ti Mariano Marcos State University tapno al-alisto a madeterminar no nagapuan dagiti naipatulod a messages iti nasao a universidad kalpasan dagiti naawat da a nagsasaruno a bomb threat.
Segun kenni Dr. Virgilio Juluis Manzano, ti Presidente ti Mariano Marcos State University, namin liman a daras nga adda iti bomb threat a naawat ti nasao a pagadalan isut gapuna a kasapolan nga adda iti bukod da a cyber security team tapno malock-in dagitoy a messages ken madeterminar nga insigida no siasinno dagiti adda iti likodan dagitoy.
Inpakaammo na a dagiti immuna a naawat da a bomb threat iti kallabes ket addan dagiti dua a nadeterminar da a persons of interest ngem masapol pay laeng iti naan-anay nga imbestigasyon ken no mapaneknekan nga isuda iti makin-aramid ket pilaan da dagitoy ti kaso.
Inbatad na nga arigna paglulukoanen dagiti adda it likudan dagiti bomb threat iti unibersidad dan iti nasao nga unibersidad a pakaapektaran unay ti operasyon ken panagadal dagiti estudyante iti nadakamat a pagadalan.
Kunana a saan da nga ammo no apay a kastoy ti maar-aramiden iti unibersidad ngem inpanamnama na nga aramiden da amin tapno madeterminar no siasinno ti adda iti likodan dagitoy a pasamak.
Mainaig iti daytoy, kuna ni Manzano a kasapolan manen a dumalan iti online learning mode dagiti estudyante gapu iti napasamak.
