LAOAG CITY – Kinarit ni Engr. Ranison Narciso, Municipal Agriculture Officer iti ili ti Solsona dagiti umili nga itultuloy da iti panagpataud ti organic fertilizer.
Inbatad ni Narciso nga iti laeng kallabes ket adda ti naisayangkat a training mainaig iti vermi composting.
Kunana a nagbinnuligan daytoy ti Municipal Agriculture Office ken iti Municipal Social Welfare and Development.
Iti agdama, mangkitkita paylaeng ti nasao nga opisina ti napintas a pagyanan wenno pangrugianan iti vermi composting.
Maipalagip nga immunan nga inrakurak ni Mayor Joseph De Lara a kalikagum iti ili ti Solsona a biagen manen ti vermiculture iti komunidad.
Segun iti mayor, dsytoy ket maysa a livelihood program a maipaay kadagiti umili babaen ti panagtaraken kadagiti alinta a ma-convert iti organic waste ingga nga agbalin daytoy a vermicompost.
