LAOAG CITY – Inpakammo ni Police Supt. Jay De Guzman, Deputy Provincial Director for Administration iti INPPO nga iti naglabas a lawas ket napintas ti accomplishment dagiti kameng ti PNP ditoy probinsya.
Segun kenni De Guzman, amapan a makasangpet ni Provincial Director Police Senior Supt. Cesar Pasiwen nga aggapo idiay Camp Crame ket maipakita kenkuana dagiti naaramidan dagiti pulis.
Kabayatanna, napadayawan da Police Chief Insp. Allan Ermerson Daus, hepe ti PNP-Bacarra; Police Chief Insp. Roldan Suitos, hepe ti PNP-Pasuquin ken Police Chief Insp. Samson Amistad, hepe ti PNP-Bangui ken ni Police Senior Insp. Jephre Taccad, hepe ti PNP-Piddig.
Daytoy ket gapo kadagiti nagbalin nga accomplishments da iti naglabas nga aldaw kangrunaan na iti kampaynsa kontra iti iligal a droga.
Malaksid iti daytoy, inpasingked ni De Guzman nga agtultuloy ti operasyon da kontra iti iligal a droga, iligal a panagsusugal ken dadduma pay nga iligal nga aktibidad.
