LAOAG CITY – Nai-defer amin a measures a naidasar iti 113th regular session ti Sang Panlungsod ditoy ciudad ti Laoag.
Daytoy ket kalpasan a nagmosyon ni Sang Panlungsod member RJ Fariñas.
Inlawlawag ni Fariñas a saan a mabalin a matratar ti aniaman a measure no saan pay a naaprubaran ti 2022 Annual Budget ditoy ciudad.
Ti panagmosyon ni Fariñas ket pinaboran dagiti pito pay a kameng ti konseho.
Karaman ditoy da ABC Federated President Mikee Fariñas, SK Federated President Faye Lao, Konsehal Juan Conrado Respiscio, Konsehal Edison Bonoan, Konsehal Derek Lao, Konsehal Edison Chua ken Konsehal Justine Clarence Chua.
Maipalagip a saan a naipasa ti 2022 Annual Budget ditoy ciudad ti Laoag gapu ta saan a nalpas ti budget deliberation dagiti amin a departamento iti gobierno lokal ditoy ciudad.
