LAOAG CITY – Umabot iti nasurok a 100 a solo parent ti naipaayan ti sagmamaysa a kilo ti alingta a taraknen da iti ili ti Solsona.
Segun ken ni Mayor Joseph de Lara iti ili ti Solsona, masursurwan dagiti maseknan no kasanu ti mangpaado kadagiti alingta tapno adda ti nayun a pamastrekan dagiti bumarangay.
Inbatad na a kadagiti naglabas a tawen ket ado ti napastrek dagiti nagduduma a barangay gapu laeng iti vermiculture.
Inpakaammo ti mayor a ti sumaruno nga aramiden da ket ti mangilatang ti pondo tapno adda ti paggatang da kadagiti mapatanur nga alingta dagiti solo parent iti ili ti Solsona.
Mamati ti mayor a mailako amin dagiti maseknan dagiti taraknen da nga alingta aglalo kadagiti mannalon nga agkasapulan ti organic fertilizer.
