LAOAG CITY – Dinungpa-dungpar ken pinalawlawan ti water cannon dagiti Chinese Coast Guard (CCG) vessels ti BRP Datu Sanday ti Bureau of Fisheries and Aquatic Resources (BFAR).
Basar iti report, maipagarop a sinaed dagiti tsino ti Philippine vessel nga adda iti 10 nautical miles asideg iti Sabina shoal kalpasan na ket inipig-ipig ken dinungpar ti Chinese Coast Guard iti naminlima a daras ti BRP Datu Sanday.
Pinalawlawan pay ti Chinese Coast Guard 3104, 4102, 21555, 21551, ken sumagmamano a militia vessels ti BRP Datu Sanday ken naggigiddan nga inatake ti water cannon ti puntirya da a navigational equipment ti nasao a Philippine vessel ti Bureau of Fisheries and Aquatic Resources.
Maipalagip a ti Chinese Coast Guard 21551 ti nangdungpar iti BRP Bagacay a nakabuttawan ti barko.
