LAOAG CITY – Kinumpirmaran ni Venezuelan National Assembly Chief Jorge Rodriguez nga umaboy ti 6,125 ti pimmusay gapu iti twin earthquakes diay Venezuela idi Hunio 24.
Basar ken ni La Guaira Governor Jose Alejandro Teran ket agtalinaed nga 1,400 a tao ti mapukpukaw kalpasan ti insidente.
Mailaksid iti 190 a narpuog a pasdek, sumurok 6,400 a pasdek ti klinisipika dagiti otoridad kas ‘high-risk’ ken sumurok 9,800 ti ‘restricted housing’ kas pakdaar iti risgo para kadagiti residente iti lugar.
Iti agdama, agarup 24,000 a tao iti La Guaira ken Caracas ti temporario nga agtalinaed iti makeshift shelters.
Maipalagip a napasamak ti magnitude 7.2 ken 7.5 a gingined idiay Venezuela a nagresultar ti panagrebba ti agarup 200 a pasdek.
Ti maudi a death toll a nairekord ket adda iti 5,546 nga indibidual.
Kabayatanna, inaprobaran dagiti agpanpanday linteg ti Venezuela ti maysa a linteg tapno pagbalinen a nalaka ti panagrenta dagiti sanikua no sadinno kalikagumna daytoy a matulungan dagiti biktima ti gingined ngem kasapulan pay daytoy a pirmaran ni Interim Leader Delcy Rodriguez tapno agbalin a linteg.
Kabayatanna, agtultuloy latta ti operasion dagiti rescue team ken miembro ti pamilia kadagiti biktima ken dadduma pay a mangsapul dagiti nagaburan.
