LAOAG CITY – Plano iti agdama ti National Food Authority (NFA) ti gumatang kadagiti irik iti katapusan ti Marso ita a tawen.
Segun ken ni National Food Authority Administrator Larry Lacson, gagem daytoy ket tapno masukatan ti national buffer stock.
Kuna na nga iti agdama ket gumatgatang ti ahensya kadagiti presko nga irik iti balor a P17 kada kilo idinto a dagiti dry nga irik ket P21 per kilo tapno maliklikan ti kompetisyon.
Innayon ni Lacson nga iyur-uray da nga agbalin a kalmado ti presyo gapu ta no isuda ti aggatang ita a panaggaapit ket mangnayun da pay ti pressure iti panagngato ti presyo.
