LAOAG CITY – Inpasingked ni National Bureau of Investigation (NBI) Director Melvin Matibag a nakasagana nga agtestigo iti impeachment trial kontra ken ni Vice President Sara Duterte.
Inpetteng na nga aniaman nga oras ket nakasagana daytoy gapu ta awan ti baro nga irakurak na ken dagiti laeng adda iti dokumento ken ebidensya.
Inlawlawag na a saanen a kasapulan nga ipa-subpoena da daytoy gapu ta boluntaryo nga agturong iti senado.
Immunan nga inpaganetget ni Matibag a no mabalin ket isapsapa na ti panangipaay na ti testimonya iti impeachment tapno makaatendar daytoyo iti international anti-scam summit a maiyuswat idiay Bangkok, Thailand.
Inbatad ni Matibag a napateg ti panagatendar na iti summit aglalo ti pannakaikkaten ti Pilipinas iti grey list iti money laundering.
Namnamaen ni Matibag iti summit ti pannakitaripnong na ken ni Federal Bureau of Investigation (FBI) Director Cash Patel.
Nupay kasta, inlawlawag ti NBI chief a saan nga isuna ti mangidiktar ti schedule iti panagatendar na iti impeachment court.
