LAOAG CITY – Nalpasen ti National Bureau of Investigation (NBI) ti imbestigasyon iti nagbalin a pangta ni Vice President Sara Duterte kontra ken ni President Ferdinand “Bongbong” Marcos Jr., First Lady Liza Araneta-Marcos ken Speaker Ferdinand Martin Romualdez.
Inbatad ni Prosecutor General Richard Fadullon iti maysa a press briefing iti Malakanyang nga adda paylaeng ti kasapulan nga i-evaluate iti inisyal a nagbalin nga imbestigasyon ti National Bureau of Investigation.
Kuna ni Fadullon a ti National Bureau of Investigation ken ti Department of Justice ket naiget nga agtintinnulong mainaig iti nasao a kaso.
Kabayatanna, inrakurak ni Justice Undersecretary Raul Vasquez a ti panag-evaluate iti imbestigasyon ti National Bureau of Investigation ket paset ti ‘case build up.’
Inpaganetget ni Vasquez a no makumpirmatan a ti panangtingiting ket umdas tapno masigurado ti pakpakauna nga imbestigasyon ket marugyanen ti preliminary investigation proper.
Maipalagip a ni Vice President Sara Duterte ket saan a napan nagparang kadagiti panangpaawag kenkuana ti National Bureau of Investigation tapno agpalawag iti nagbalin a rakurak na nga adda ti kinasarita na a mangpatay ken ni Marcos no adda ti dakes a mapasamak kenkuana.
Inpetteng ni Duterte a ti saanna a panagpakita iti imbestigasyon ti National Bureau of Investigation ket gapu ta ninamnama na a saan nga agbalin a patas ti imbestigasyon.
