LAOAG CITY – Inarestar dagiti otoridad ti maysa a negosyante babaen ti bileg ti warrant of arrest iti Barangay Quiling Sur iti ciudad ti Batac.
Nabigbig daytoy a ni Steve Paulo Lozero y Ramos, agtawen ti 31, naasawaan ken residente met laeng iti nadakamat a barangay.
Ti naiserbi a warrant of arrest ket inparuk-at ni Hon. Judge Ma. Corazon Labrador iti RTC First Judicial Region Branch 18 iti nasao a ciudad gapu iti kaso na nga estafa.
Nupay kasta, nairekomendar ti 20 ribo a pisos a pagpiyansa ni Lozero para iti temporaryo a pannakawayawaya na.
