LAOAG CITY – Kinumpirmaran ni Budget Secretary Amenah Pangandaman nga awan ti confidential funds ti Office of the Vice President (OVP) iti babaen ti nailungalong a 2025 national budget.
Inaramid ni Pangandaman ti rakurak iti maysa a pressconference kalpasan ti panangisubmitir daytoy iti Kamara ti 2025 National Expenditure Program.
Inbatadna a ti Confidential ken Intelligence funds (CIFs) inton sumaruno a tawen ket P10.28 Billion, nababbaba daytoy ti 16% maidasig iti 2024 budget a P12.378 Billion.
Iti P10.28 Billion CIF fund, 4.37 billion ti confidential funds ken 5.92 billion pesos ti intelligence funds.
Naammoan a dagiti ahensia nga addaan ti Confidential ken Intelligence funds ket ti Department of National Defense (P1.70B); National Intelligence Coordinating Agency (P991 million); Philippine National Police(P806 million) at PDEA(500 million); Department of Justice (P579.4 million) pakairamanan ti Bureau of Immigration ken National Bureau of Investigation; Department of Finance (P79.5 million) pakairamanan ti Bureau of Customs at Bureau of Internal Revenue; Department of Transportation(P405 million) pakairamanan ti Philippine Coast Guard (PCG) ken Commission on Human Rights(P1 million).
Maipalagip nga iti deliberasion ti 2024 proposed budget ket nagbalin a kontrobersial ti maaddaan ti Confidential ken Intelligence funds ti Office of the Vice President idi maipasa ti national budget ket inikkatanda ti confidential fund ti Office of the Vice President.
