Ngimmato ti remittances dagiti Overseas Filipino Workers (OFWs) iti $33.4 billion manipud Enero agingga iti Setiembre 2024, segun iti Bangko Sentral ng Pilipinas (BSP).
Nangatngato daytoy iti 2.8% no idasig iti isu met laeng a period idi napan a tawen.
Dimmanon iti $29.9 bilion ti cash remittances a naipatulod babaen kadagiti banko, nangruna kadagiti naggapu a pagilian a kas iti Estados Unidos, Singapore, ken Saudi Arabia.
Idi laeng Setiembre, dimmanon iti $3.23 bilion ti remittances, no sadinno ngimmato daytoy iti 2.6% manipud iti $3.15 bilion idi Setiembre 2023.
Kabayatanna, agtultuloy ti remittances a mangtignay iti ekonomia ti pagilian iti laksid dagiti karit iti world market.
