LAOAG CITY – Nangipaulog ti Russia ti “counter-terrorism operation” regime iti tallo a rehion tapno padasen a pasardengen ti surprise cross-border incursion babaen dagiti tropa ti Ukraine.
Dagiti autoridad iti rehion ti Kursk, Belgorod ken Bryansk iti beddeng ti Ukraine ket mabalinda itan a lapdan ti panaggaraw dagiti tattao ken lugan ken agusar iti phone tapping malaksid kadagiti dadduma pay a wagas.
Daytoy ket kabayatan ti opensiba ti Ukraine iti rehion ti Kursk no sadinno a lima nga aldawen ti napalabas, ngem nu pay kasta ket saan a nga inadmitir ti Kyiv ti panangraut.
Insingasing dagiti report a dagiti tropa ti Ukraine ket makilablaban iti nasurok a 10km iti uneg ti Russia sipud idi inrugi ti Moscow ti naan-anay a panangraut iti Ukraine idi Pebrero 2022.
Dagiti baro a wagas ti seguridad iti tallo a rehion iti beddeng ti Russia ket inwaragawag ti National Counter-Terrorism Committee (Nak) idi napan nga aldaw.
Kabaytanna, naaramid da daytoy tapno masigurado ti kinatalged dagiti umili kaadagiti pangta dagiti terorista.
