LAOAG CITY – Kalikagum ti Palestinian armed group nga Hamas a mapagsungbat ti Israel iti International community gapu iti nakaam-ames a panangabuso iti Tal al-Hawa ti kaparanget nga ili ti Gaza.
Daytoy ket kalpasan a timmalaw dagiti suldado ti Israel iti lugar ket naduktalan ti Civil Defense ti Gaza nga adda ti 60 a bangkay.
Kunana a nalawag a daytoy ket maysa a klase ti genocide ken ethnic cleansing.
Innayonna a nasken laeng a mangaramid ti addang ti United Nations, International Criminal Court ken International Court of Justice tapno agsardengen ti “war of extermination” nga iwaywayat ti Israel kontra iti Palestine.
