LAOAG CITY – Ad-adalen ti Department of Agriculture (DA) a kissayan ti Maximum Suggested Retail Price (MSRP) ti imported rice ti baro a P4 iti kada kilo iti panagngudo ti bulan.
Daytoy ket no agtultuloy ti panagbaba ti sangalubungan a presio ken no ad-addan a pumigsa ti piso.
Ad-adalen ni Agriculture Secretary Francisco Tiu Laurel Jr. nga ibaba ti Maximum Suggested Retail Price para iti imported rice iti P45 iti kada kilo manipud iti P49 iti kada kilo kalpasan a naipatungpal ti Maximum Suggested Retail Price initiative iti balor a P58 iti kada kilo idi Pebrero.
Ti retailers a limmabes ti Maximum Suggested Retail Price ket rumbeng nga agpalawag ti presio kadagiti otoridad.
Kuna ni Laurel a ti imported rice a 25% a perdi ket saan a lumabes iti P50 iti kada kilo.
Makita iti baro a datos manipud iti Department of Agriculture price monitoring a ti imported rice iti Metro Manila ket dumanon manipud iti P41.13 agingga iti P57.57 iti kada kilo manipud iti Marso 3 agingga iti Marso 8, 2025.
Maipalagip nga inaprobaran ni Presidente Ferdinand Marcos Jr. ti panagkissay iti rice tariffs ti 15% manipud iti 35% sipod idi Hulio 2024.
Inbatad ti Department of Agriculture, daytoy ti nagbalin a rason tapno maipababa ti presio iti ‘lowest levels’ iti sumurok dua a tawen, adda ti sumagmamano a bagas a nababbaba ngem iti $400 per metric tons.
