LAOAG CITY – Inbatad ni Engr. Jonathan Corpuz, Branch Manager ti National Food Authority ditoy probinsia a dakkel ti nagbalin nga epekto na ti panagngato ti presio ti panaggatangda ti irik ket ado kadagiti mannalon ti naawis nga immay nangi-deliver ti irik iti National Food Authority ditoy probinsia.
Segun kenkuana, ket ti target ti National Food Authority ditoy probinsia a magu-od ita a tawen ket agdagup ti 70,000 packs ti irik.
Inpakaammona mabalin nga aglako dagiti mannalon nga addaan ti Registry System for the Basic Sectors in Agriculture stab tapnu maala ti nasao nga ahensia dagiti numero dagitoy ken tapnu makita nu kasano kalawa ti taltalonenda tapnu maammuan nu mano ti mabalin nga ilako.
Inbatadna a sipud nagepekto daytoy idi Abril 22 agingga iti daytoy nga aldaw ket nakatagandan ti 6,288 a sako ti irik wenno 2,100 a sako ti kada aldaw.
Inpakammona a babaen iti daytoy baro programa ti National Food Authority a buying price ti irik ket makaurnongda a ti buffer stock para kadagiti umay a kalamidad ken dakkel a tulong daytoy kadagiti mannalon ditoy probinsia.
Mainaig iti daytoy, adda ti dua a wagas ti pannagatang ti nadakamat nga ahensia kadagiti irik ket in-warehouse procurement ken mobile procurement tapnu magatang amin ti nadakamat nga ahensia dagiti mailako nga irik.
Ti in-warehouse procurement ket tay mismo a ti mannalon ken organisaion ti mannalon wenno cooperative ti umay mangidanon ti irik iti National Food Authority tapnu magatang.
Ti met mobile procurement ket ti mismo a National Food Authority ti umay dumananon a gumatang kadgiti mailako nga irik.
Kabayatanna, idi laeng tawen 2023 ket nakagatang laeng ti National Food Authority ditoy probinsia iti 1,814 a sako ti irik nga iso gapu na a bassit laeng ti nagbalin a stockda ken idi bulan ti Enero agingga Abril 19 a maudi a pannakaimplementar ti buying price ti irik nga aggatad ti 23 pesos iti kada kilo ket nakagatanda laeng ti 162 a sako ti irik.
