LAOAG CITY – Agarop kagudua dagiti inna iti Cordillera Administrative Region (CAR) ti saanen a mangayat nga aganak, maibasar iti datos ti Philippine Statistics Authority (PSA).
Basar iti 2025 Regional Demographic and Health Survey, adda iti 46.1% dagiti babbai a naasawaan ken agtawen ti 15 agingga iti 49 iti rehiyon ti nangibaga a saan dan a kayat ti maaddaan ti anak, nangatngato no ikompara iti 40.5% idi 2022.
Segun ken ni Benguet statistician Imelda Buyyucan, bimmaba met iti 1.7 nga anak ti kada babai ti fertility rate iti Cordillera manipod 4.1 idi 1993.
Innayon na nga ad-ado payen dagiti babbai nga addaan laeng ti maysa wenno awan pay ti anak na iti rehiyon.
Nagballaag met ni Commission on Population and Development-CAR director Reynaldo Wong, possible nga agbalin a kabassitan a rehiyon iti pagilian apaman a madanun ti 2035 no agtultuloy ti panagbaba ti populasyon.
Bimmaba pay ti teenage pregnancy iti rehiyon iti 2.7% idi 2025 manipod 6.1% idi 2022.
