LAOAG CITY – Nag-viral iti social media ti dati a video ni TV host-actress a ni Mariel Padilla mainaig iti panangsalaknibna iti asawana a ni Robin Padilla kontra kadagiti mangbatbatikos kenkuana gapu iti kwalipikasionna kas senador.
Ti nasao a video ket manipud iti vlog-na idi tawen 2022 no sadinno ket sinungbatan ni Mariel dagiti mangibagbaga a saan a qualified ti asawana kas maysa a senador.
Basar iti dati a video-na, inpetteng ni Mariel a nakaturpos ni Robin iti kolehiyo ken addaan daytoy ti degree a criminology.
Innayon pay ti TV host-actress a nakaipasa ni Robin ti gakat idi adda pay laeng daytoy iti bilibid uray saan pay daytoy a senador.
Gapu iti daytoy, kinontrana dagiti mangibagbaga a saan a kaya ni Robin ti trabahona a senador.
