LAOAG CITY – Manamanama ti pannaka-establisar ti rotunda iti Vintar road, nangruna iti paset ti maar-aramid a bypass road.
Segun ken Konsehal James Bryan Alcid, napaspas unay dagiti lugan a dumaldalan iti nasao a kalsada isu a kinasarita na ti Department of Public Works and Highways Region-I seknan iti nasao a banag.
Kalikagomna a mailippas ti nasao a proyekto ita a tawen ken inpakaammu na a basbassit ti maestablisar a rotunda iti Vintar road nu ikumpara iti adda itio Airport road gapu ta agserbi laeng daytoy a mangliklik iti mabalin a mapasamak a desgrasya.
Maipalagip nga immunan nga inlungalong ni Sang. Panlungsod Member Jaybee Baquiran ti pannaka-establisar ti rotunda iti nasao a dalan gapu ta patien na a makatulong daytoy tapno makaliklik ti desgrasya.
