LAOAG CITY – Naka-heightened alert dagiti concerned government agencies iti epekto ti habagat, maiyallubog iti pammilin ni Presidente Ferdinand Marcos Jr.
Inbatad ni Palace Press Officer Claire Castro nga imon-monitor ti Presidente dagiti lugar nga alisto a malayus ken ti panagngato ti danum kadagiti dam ken reservoir.
Inbilinna dagiti ahensia a naiget a makikoordinar iti panangiparuk-at ti danum ken insigida a mangiwayat kadagiti addang tapno maprotektaran dagiti komunidad ken napapateg a pasilidad.
Mangipapaay metten ti food packs ti Department of Social Welfare and Development (DSWD) kadagiti pamilia nga adda kadagiti evacuation centers.
Basar iti datos, addan ti sumurok 200,000 a pamilia ti naapektaran ti habagat agingga idi rabii ti Domingo.
