LAOAG CITY – Nakasaganan dagiti 22 players ti Pilipinas a mangiyeg ti dayaw iti pagilian iti masungad a 2024 Paris Olympic Games.
Segun ken ni Philippine Olympic Committee (POC) president Abraham “Bambol” Tolentino, adda iti maudi a paset ti panagsanay ken panagsagana dagiti atleta para iti umuna a joint training camp idiay Metz, France.
Panggepda met nga ipatungpal ti kapada a programa kabayatan ti kampania ti Pilipinas iti Tokyo Olympics, ngem saan a naaramid daytoy gapu iti restriksion nga inyeg ti pandemia.
Gapu iti daytoy, agtalek ni Tolentino nga ad-adu ti magun-od ti Pilipinas a medalya nu idasig iti nagun-od da nga uppat a medalya idiay Tokyo.
