LAOAG CITY – Naiget ti panagmonitor ti Provincial Disaster Risk Reduction Management Office iti posible nga epekto ti Bagyo Paolo ditoy probinsya paritkular iti alisto a malayos ken iti pakapaspasamakan iti panagreggaay ti daga.
Segun kenni Mr. Randy Nicolas, Local Disaster Risk Reduction and Management Office IV, nagtataripnong da kadua da ni Gov. Cecilia Araneta Marcos para iti panagsagaba da iti posible nga agbalin a sitwasyon iti probinsya.
Inbatad na a naiget met ti koordinasyon da kadagiti nagduduma a lokal a gobierno tapnp masigurado ti kinatalged dagiti kailyan.
Malaksid iti daytoy, adda pay ti direktiba ti gobernador a mapunno dagiti bodega iti food packs tapno maipaay kadagiti residente.
Kabayatanna, binalakadan ni Nicolas ti publiko nga agannad ken saanen a rumrumuar iti pagtaengan no awan ti importante nga aramiden da.
