LAOAG CITY – Lineplepan ni Engr. Vic Dabalos, Prov’l Environment and Natural Resources Officer (PENRO) ditoy Ilocos Norte ti panagamak dagiti maseknan iti proyekto a maipatpatungpal iti ili a Bangui ken Burgos.
Inpasigurado ni Dabalos a suruten ti Energy Logics Philippines, ti kompanya a mangipatpatungpal iti pannakaipatatakder ti solar power plant no ania ti nagtutulaganda iti gobyerno babaen ti opisina da.
Kas kadagiti madalapos a kayo a pakaipatakderan dagiti panel ti nasao a planta.
Segun ken ni Dabalos, tawen 2009 idi mapirmaan ti Forest Landuse Agreeement (FLAG) ken Special Tree Cutting and Earth Balling Permit ti nasao a kompanya
Kuna na nga aglawa ti 1092 nga ektarya ti madappatan ti proyekto ken agarup walo a ribo a kayo dagiti mapukan.
Nagkari met ti contractor a sukatan da dagiti mapukan a kayo iti 100 a seedlings iti kada kayo a mapukan.
Kitaen ti PENRO ti lugar a pakaimulaan na ken taraknen ti nasao a kompanya iti las-od ti tallo a tawen.
