LAOAG CITY – Binalakadan ti Philippine National Police (PNP) ti publiko maipapan kadagiti online transactions-da ita nga holiday season.
Segun kenni PNP Chief Gen. Rommel Francisco Marbil, taginayunen ti panagannad nangruna no ag-shopping online ken liklikan ti ag-click iti aniaman a mapagduaduaan a link.
Innayon na pay a liklikan ti dadakkel a cash transactions tapno saan a mabijtima kadagiti online scammers.
Kagiddan iti daytoy, agtultuloy ti monitoring ti Philippine National Police-Anti-Cybercrime Group (ACG) kadagiti sindikato iti likudan dagiti online scam nga agraraira iti pagilyan.
