LAOAG CITY – Awan ti ammo a rason ni Dr. Gladys Cue ken kandidato iti kina-Mayor iti ili ti Currimao no apay nga adda ti nagputok iti opisina nga adda iti pagtaengan da.
Segun kenni Cue, pasado alas-diyes iti rabii ket adda ti nangeg na a maysa a putok isut gao na nga iniddep na amin a silaw da ken simmirip iti ruwar.
Inlawlawag na nga awan met ti nakita na a mapagat-atapan ken ti laeng taol ti aso ti nangeg na isut gapo na a burburtya kenkuana ti napasamak.
Inbatad na nga iti bigat ket nakita na nga adda ti abot iti sarming ti opisina isut gapo na a dagus na nga inreport iti pulisya.
Kunana nga adda ti nakita a buli ti bala ti paltog iti uneg ti opisina.
Mainaig iti daytoy, mangnamnama ni Cue a maimbestigar a nasayaat daytoy tapno malawlawagan ken awanen ti madi a mapasamak.
Kabayatanna, agtultuloy ti imbestigasyon ti PNP-Currimao seknan iti maipagarop a pannakapaltog ti tawa ti opisina nga adda iti compound da Dr. Gladys Cue.
Segun kenni Police Captain Chris Anthony Sorsano, ti chief of police ti PNP-Currimao, naireport laeng kadakuada itay bigat ti napasamaka ken apaman a naawat da ti impormasyon ket dagus da a nagturong iti lugar.
Inlawlawag na a basar iti caretaker a ni Rafael Jely, adda ti nanged na a timmama iti tawa ti opisina k en itay bigat ket nakita da metten ti maysa a buli.
Nupay kasta, masdaaw ni Sorsano no apay a saan a naabutan ti kurtina ken ti bala ket nakumpit ken awan ti natamaan nga hard materials a kas iti conrete wenno metal.
Malaksid iti daytoy, kuna ni Sorsano a no manipud iti ruwar ti nagpaltog ken posible a saan a matamaan ti tawa gapo iti kangato ti alad isut gapo na a masdaaw.
Inapalgak na pay nga ado ti kwestyun da iti agdama ken agpapan ita ket saan da pay a masungbatan ken mairefer iti crime laboratory.
Kunana nga arig na ket dakkel a banag ti timmama iti sarming a tawa ngem awan met ti nakita da a bato.
Iti panagdamdamag da iti karruba da Dr. Cue, kuna ni Sorsano nga adda ti maysa a residente a nakaibaga nga adda ti nangeg da ngem dagiti dadduma ket awan ti nadlaw da.
Dinakamat pay ni Sorsano a mareview met a nalaing dagiti CCTV footages ngem iti inisyal ket awan ti nakita da a limmabas met iti ruwar ti compound.
