LAOAG CITY – Mamati ni Pol. Major Ryan Retotar, Chief of Police ti PNP Dingras a panangluko ken panangbuteng laeng ti motibo ti naawat a text message ti maysa kadagiti mangisursuro a bomb threat.
Ummuna iti daytoy, nakaawat ti maysa a mangisursuro iti Senior High School ti Dingras National High School, Poblacion Campus a nabigbig laeng a “Ma’am Caraballa” ken naipalaon iti text message ket “papasabugin namin school niyo mamaya, may itinanim kaming bomba”.
Gapu iti daytoy, nasuspeso ti klase ti nasao a pagadalan.
Nagresponde a dagus ti PNP Dingras, Ilocos Norte Police Provincial Office (INPPO), Bureau of Fire Protection, bomb squad ken K9 dog.
Inbatad na nga awan met ti ammo da a rason tapno pabittaken da ti nasao a pagadalan gapu ta awan met ti agdama nga aktibidad ti pagadalanan malaksid iti card day.
Iti agdama, manarimaan nga im-imbestigaren dagiti otoridad no siasino iti akin-numero ti nangipatulod ti text message.
Inpasigurado ni Retorar a mapilaan ti kaso iti siasino man nga agar-aramid ti bomb scare.
Kabayatanna, awan ti ammo ni Mrs. Jenifer Corpuz, Principal IV iti nasao a pagadalan no siasinno ti akin aramid iti panangipangta nga adda ti naimula a bomba iti uneg ti eskwela.
Nupay kasta, inbatad na nga awan dagiti nakargurgura wenno anyaman a pasamak iti pagadalan iti kallabes a posible nga isu kuma ti akin aramid wenno nangipatulod ti mensahe.
Innayon ni Corpuz a pinagawid da dagiti estudyante ken saan da nga inpakaammo ti nasao a mensahe tapno saan da nga agpanic.
