LAOAG CITY – Inpasingked ni P/Lt/Cl Andrew Rabang, hepe ti Philippine National Police ditoy siudad ti Laoag a lehitimo dagiti amin nga isaysayangkat da nga Anti-Illegal Drug Buy-Bust Operation ditoy siudad.
Segun kenkuana, maibilangen a gagangay ti kaaddoan kadagiti reaksion dagiti matiltiliw babaen ti nasao nga operasion ket ti paglikudanda a kukuada dagiti narekobre a droga ken maatap a naipabulsa kadakuada.
Inlawlawag a sakbay nga iwayat dagiti otoridad ti aktual nga operasion kontra iti maysa a subject ket adda ti ummuna nga iwayatda a panag-testify kadagitoy.
Innayonna, a ti paggapoan dagiti impormasion ket manipud kadagiti immuna a natiliw ti buy-bust operasion.
Kabayatanna, agtultuloy ti panangipatungpal ti PNP Laoag iti kampania kontra iti illegal a droga.
