LAOAG CITY – Nagkedked a mangipaay ti detalye ni P/Maj Joemar Andres, ti chief of police iti Philippine National Police iti ili ti Marcos mainaig iti maipagarup a panangdangran dagiti tallo a kameng ti polisia ken ni Mr. Joehan Valdez iti Brgy. Daquiaog iti nadakamat nga ili.
Segun ken ni Andres a mannarimaan ti panangisaganada kadagiti dokumento a maipila a kaso kas iti Direct Assault ken adda ti impluensiana iti arak a nasanger bayat ti panagmaneho kontra ken ni Valdez.
Mainaig iti daytoy, kinumpirmaran ni P/Lt Reiner Tacata, ti Deputy iti Internal Affairs Office a nagturong ni Valdez iti opisinada tapnu ireklamo dagiti tallo a kameng ti polisia a maipagarup a nangdangran kenkuana.
Inlawlawag ni Tacata a basar ken ni Valdez ket sakbay a nagawid ket inridep na pay laeng iti lugan na a nakaparking iti igid ti kalsada idi sumangpet dagiti kameng ti pulisya tapno agpatrolya, no sadinno a kinatok da ti lugan na ket apaman a linukatan na daytoy ket ditan a kellaat a dinanog isuna dagiti tallo a pulis nga innaganan na a da Agcaoili, Yuro ken Balanay.
