LAOAG CITY – Nagballaag ti Philippine National Police (PNP) kadagiti content creators nga agipatpatungpal ti peke a crime incident gapu ta possible a sumango dagitoy ti maiyannatop a kaso.
Iti press conference, inpetteng ni Philippine National Police chief Police General Nicolas Torre III a no kayat ti agaramid ti content a fiction, siguradwen a nalawag iti amin a dagitoy ket para laeng iti entertainment purposes.
Inpalgak na a no agaramid ti contect nga arigna addaan ti disorder iti lugar ket mangipaay ti dakes nga impresyon.
Innayon na a saan laeng a pulis ti maapektaran no di ket ti mismo a komunidad gapu ta arigna awanen ti law and order.
Inaramid daytoy ni Torre kalpasan ti report ti Police Regional Office 7 (PRO7) a nangipila da ti reklamo kontra iti maysa a vlogger a nagaramid ti content nga arigna adda ti mapaspasamak a robbery incident iti uneg ti maysa a bus idiay Cebu.
Ti nasao a video ket immuna a nagviral idi Hulyo 22 ita a tawen.
Inpaganetget ni Torre a ni mapaneknekan a guilty ti vlogger ket mapatawan ti innem agingga iti 12 a tawen pannakabalud.
