LAOAG CITY – Agtultuloy ti panangmonitor ti PNP dagiti personalidad nga adda iti drug watchlist ken dagiti saan a simmuko iti ili a Pinili.
Daytoy ti inpasigurado ni P/Chief Insp. Gerardo Antonio, hepe ti PNP Pinili.
Kuna na a nakitaripnong da kadagiti opisyal ti barangay iti nagduduma a barangay para ti pannakitinnulong da a mangmonitor kadagiti maseknan nangruna no dagitoy nga nagsubli da iti illegal nga aktibidad.
Inbatad ni Antonio a maamuan da nga adda dagiti maseknan nga agus-usar ken aglaklako pay laeng ti illegal a druga ket dagus a paoperasyonan da kadagiti kameng ti PDEA.
