LAOAG CITY – Nagpanawagan ni Pope Francis ti imbestigasion tapno maammoan a maysa a genocide ti iwaywayat a panangraot ti Israel iti Gaza.
Daytoy ti kaunaan a gundaway a nagpanawagan ti Santo Papa ti imbestigasion sipod idi rinugian ti Israel ti panangraot ti Gaza.
Inbatadna a limmabasen iti maipatpatungpal a rules of war ti ar-aramiden ti Israel iti panangraotda iti Gaza ken Lebanon gapu ta umad-adu dagiti matmatay.
Maipalagip nga iti napalabas a tawen ket nakasarsarita ti Santo Papa dagiti kabagian dagiti hostage ti Israel iti Gaza ken dagiti Palestino.
