LAOAG CITY – Naisayangkaten iti maikadua nga aldawna ti pre-trial conference mainaig ti impeachment case kontra ken ni Vice President Sara Duterte.
Manamnaman ti panagtultuloy ti House of Representatives prosecution panel ken ti defense team ni Duterte ti panagmarka kadagfiti ebidensia bayat a matalantan met ti proseso ti stipulation wenno dagiti kinapudno a mabalin a mapagsaritaan ti dua a sinnumbangir a Partido.
Iti uppat nga articles of impeachment a napagsaritaan, ti ebidensia ken dagiti tallo laeng nga artikulo ti malpasen a mapagsaritaan ti dua a partido.
Gagem ti pre-trial conference a patibkeren dagiti kinapudno iti kaso, pannakapa-simple dagiti isiyu, mamarkaan ken maresolba dagiti ebidensia, ammoen dagiti testigo, ken panangikeddeng dagiti petsa.
