LAOAG CITY – Mangnamnama ni Pres. Ferdinand Marcos Jr. a magatang metten iti merkado publiko idiay New Zealand ti Durian.
Daytoy ket kalpasan nga adda ti naiyuswat a bilateral meeting ni Pres. Marcos ken ni New Zealand Prime Minister Christopher Luxon iti sidelines ti 44th ken 45th ASEAN Summit Related Summits idiay Vientiane, Lao People’s Democratic Republic.
Inbatad ni Luxon a saan laeng a ti negosio iti prutas ti napagsasaritaanda ken ni Pres. Marcos no di ket pakairamanan pay iti security, trade ken economy.
Maipalagip nga immunan a kiniddaw ti New Zealand a maaddaan ti access iti sibuyas ti Pilipinas.
Tinalantan pay dagiti dua a lider ti bilateral agreements iti defense and military, environment, labor, air services, law enforcement tapno labanan ti transnational crimes pakairamanan ti work holiday scheme.
Naammoan a sakupen pay iti katulagan ti science and technology, geothermal cooperation, avoidance of double taxation, trade ken postal matters.
