LAOAG CITY – Inbatad ni President Donald Trump a mangipaay ti Estados Unidos ti ad-ado nga armas iti Ukraine.
Inaramid daytoy ni Trump kalpasan ti rakurak iti napalabas a lawas nga ipasardeng ti Washington ti panagipatulod dagiti kritikal nga armas iti Kyiv.
Inparipirip pay ni Trump a mabalin a mangipatulod pay ti Amerika ti kangrunaan a “defensive weapons” tapno matulungan ti Ukraine.
Kabayatanna, inpetteng ni Trump kabayatan ti taripnong da ken ni Israeli Prime Minister Benjamin Netanyahu, a saan a naragsak iti ar-aramiden ni Russian Vladimir Putin a mangraraot iti Ukraine.
Gapu iti daytoy, kuna ni President Trump a kasapulan ti Ukraine a dependaran ti bukod na a pagilian.
