LAOAG CITY – Nagballaag ni Department of Health Secretary Ted Herbosa a mabalin a ngumato ti presyo ti agas ken hospitalization iti pagilian gapu iti kumarkaro a tension iti Middle East.
Segun ken ni Herbosa, banbantayan ti gobyerno ti sitwasyon gapu ta possible a maitantan ti isasangpet dagiti imported medicines ken medical supplies, a mabalin a mangitunda ti panagkurang ti supply ditoy pagilian.
Kuna na a kas paset ti panagsagsagana da, mangiyus-uswat ti emergency planning ken inventory kadagit agas ken supplies.
Nupay kasta, inlawlawag ni Herbosa nga iti agdama ket awan pay ti panagkurkurang dagiti agas ken supply, ngem napateg a malapdan ti possible a krisis.
