LAOAG CITY – Naipasa iti umuna a pannakaibasa ti Draft City Resolution No. 13SP-2025-157 daytoy a resolution ket mangted ti bileg ken ni Mayor James Bryan Alcid a sumrek iti Memorandum of Agreement (MOA) ti Local Government Unit ditoy siudad ti Laoag ken Department of Social Welfare and Development-Social Technology Bureau nga irepresentar ti Undersecretary of Innovations Group, Usec. Eduardo M. Punay ken Department of Social Welfare and Development-Field Office Region I nga inrepresentar ti Regional Director Marie Angela S. Gopalan para iti pannakaipatungpal ti “Project Aruga” Program ditoy siudad ti Laoag.
Segun ken ni Sangguniang Panlungsod Member Atty. Donald Nicolas, ti Project Aruga ket mangipaay iti naan-anay a tulong ken suporta para kadagiti Person’s With Disability ditoy siudad.
Inlawlawagna a babaen ti daytoy a programa ket maikkan dagiti nagannak ti allowance nga usarenda para iti panagbasa, health care ken dadduma pay a kasapulan dagitoy.
Kabayatanna, naiget met ti panangsuporta ni Sangguiang Panlungsod Member Jamie Fariñas iti daytoy a resolution gapu ta saludo daytoy kadagiti nagannak iti panagaw-awat kadagiti annakda nga adda ti rangkap ti bagina.
Kunana iti kasasaad ti maysa a Person’s With Disability ketmariknana ti rigat ken sakripisio nga ar-aramiden dagitoy para iti annakda.
Innayonna a malaksid iti pinansial a suporta ket karaman pay a maipaay ti counseling kadakuada.
