LAOAG CITY – Inbatad ti House prosecution panel spokesperson Rep. Zia Alonto Adiong a paulit-ulit laeng dagiti sungbat ni Vice President Sara Duterte iti Articles of Impeachment.
Iti 51-panid a dokumento nga insubmitir ti Bise Presidente, inpettengna nga awan bisa ti impeachment proceedings gapu ta maipagarup a naisayangkat dagitoy iti bad faith ken saan nga umno.
Segun kenni Adiong, pammaneknek laeng daytoy nga awan ti natibker a counter-evidence ti kampo ni Duterte a mangkontra kadagiti pammabasol kenkuana.
Kinunana a manipud nangrugi iti impeachment ket agar-aramid ti Bise Presidente kadagiti rason a naibasar laeng iti teknikalidad ken konstitusionalidad, uray no nalpasen ti komite daytoy.
Inpettengna a saan a mabalin a mapilaan ti kaso daytoy a maibasar iti Notice of Disallowances ti Commission on Audit a saan pay a pinal, ken awan ti motibo ti graft ken corruption iti isiyu ti confidential fund-na.
Innayonna a nga awan ti maipila a panagpasuksok kadagiti opisial ti Department of Education gapu ta awan ti ebidensia a naggapu kenkuana ti kuarta.
