LAOAG CITY – Nirugianen ti Provincial Agriculture Office ti pannakaipaay ti Livelihood Assistance for Micro Cooperative.
Daytoy ti inpakaammo ni Engr. Maria Teresa Bacnat, Officer In Charge ti Provincial Agriculture Office.
Segun kenkuana, dagiti babassit a kooperatiba ket naipaayan ti libre nga abono.
Inbatadna a daytoy nga abono ket agbalin a revolving fund dagitoy nga isu ti maited kadagiti asosasion a maipautang kadagiti miembro a mannalon iti kooperatiba.
Inlawlawagna nga apaman a makaapitton dagiti mannalon ket ditoy nga agbayadda kadagiti kooperatiba a nagutanganda ngem addanton ti interest-na wenno tubona. .
Innayonna a dakkel a makatulong dagitoy gapu ta adda latta ti sidadaan a pagkamangan wenno pagbuludan dagiti mannalon ti masapsapulda iti panagtalonda.
