LAOAG CITY – Naikabilen ni Kingdom of Jesus Christ founder Apollo Quiboloy iti Philippine Heart Center itay bigat nga aldaw ti Sabado, Nobiembre 23.
Daytoy ket kalpasan a pinalubosan ti Pasig Regional Trial Court Branch 159 ti medical furlough extension ti Pastor agingga inton Mierkoles, Nobiembre 27.
Manamnama nga agsubli iti custodial facility ti Philippine National Police (PNP) ni Quiboloy iti nasao a petsa maiyataday ti order manipud iti korte.
Maipalagip nga immunan a kiniddaw ti kampo ni Quiboloy nga iyalud-od pay ti medical furlough daytoy gapu iti impeksion manipud iti dental implants ti Pastor.
Immuna iti daytoy, naitaray ti Pastor iti nasao nga ospital kalpasan a nakapasar ti irregular heartbeat.
