LAOAG CITY – Ginutigot ni Technical Sergeant Buddy Segundo, ti Armed Forces of the Philippines dagiti agkalikagum nga agbalin a kameng ti Philippine Army.
Segun kenkuana, adda ti dua a recruitment entrance examination ti iyus-uswatda no sadinno maisayangkat ti maikadua nga eksaminasion inton Agosto 10 iti University of Northern Philippines idiay Vigan City, Ilocos Sur.
Inbatadna a dagiti kangrunaan a qualifications dagiti agaplikar ket nasken a degree holder, natural-born Filipino citizen, single nga awan ti parental obligation, at least 5 feet ti katayagna para iti babai ken lalaki, physically ken mentally fit, at least 21 years old ngem saan nga agtawen iti 27 iti oath taking ken awan ti aniaman a pending case a sangsangoenna.
Inlawlawagna a dagiti masapol a requirements ket ti College Diploma, Transcript of Records, Philippine Statistics Authority Birth Certificate, any government-sssued ID, 2by2 ID picture ken whole body picture.
Kunana a dagiti benepisio a mabalin a maawatda ket ti Insurance and Health Care Benefits, Training for leadership ken dadduma pay nga skills.
Mainaig iti daytoy, inpakaammona a dagiti kualipikado nga Officer Candidates ket dumanon iti sueldoda iti sumurok-kumurang 45 a ribu a pisos idinto dagiti agbalin a 2nd Lieutenant ket agsueldoda iti sumurok-kumurang 51 a ribu a pisos.
Innayonna a dumanon iti 400 ti target-da nga alaen iti Philippine Army no sadinno dumalan dagitoy iti panagsanay iti uneg ti maysa a tawen.
