LAOAG CITY – Nagballaigi dagiti otoridad a nangtiliw ti maysa a wanted person iti Brgy. Dadaor iti ili ti Bangui.
Nabigbig ti akusado a ni Donato Marlo Albayalde y Reyes, agtawen ti 46, naasawaan, seaman ken residente iti Brgy. Loing iti ili ti Piddig.
Natiliw ti akusado babaen iti bileg ti Warrant of Arrest a napetsaan ti Pebrero 21, 2024 nga inparuk-at ni Judge Bonhoefer Vergara Bernardez iti Regional Trial Court Branch 4 ditoy siudad ti Laoag gapu iti sangsangoenna a lima a counts iti panaglabsing ti Republic Act 9262 wenno Anti-Violence Against Women and their Children Act of 2004.
Nairekomendar ti 216 a ribu a pisos a piyansa ti akusado para iti temporario a pannakawayawayana.
Kabayatanna, ti akusado ket nai-turn-over iti Philippine National Police iti ili ti Pagudpud para iti proper documentation.
